Një ngjarje e rëndë ka ndodhur këtë të hënë në fshatin Bajzë të Malësisë së Madhe. Një 47-vjeçare është gjetur e pajetë në banesën e saj nga familjarët.
Në trupin e Violeta Gurrajt janë konstatuar shenja dhune teksa burime bëjnë me dije se gjithashtu ka pasur shenja të prerjes në fyt.
Raportohet se viktima prej kohësh vuante nga probleme depresioni dhe merrte kurim. Ajo ishte në konflikt me familjarët e ish-bashkëshortit por nuk dihet nëse viktima i ka dhënë fund jetës apo është vrarë nga dikush tjetër.
Trupi është dërguar në morgun e spitalit, për ekspertizë më të specializuar, me qëllim përcaktimin e shkakut të humbjes së jetës.
Nën drejtimin e Prokurorisë vijon puna për zbardhjen e plotë të rrethanave të ngjarjes.
/a.r
