Policia ka gjetur armën tipit kallashnikov, me të cilën u plagosën Bledar Muça, efektivja e policisë dhe një kalimtar i rastit, nga persona të paidentifikuar që qëlluan në drejtim të mjetit të tij. Arma e krimit është gjetur pikërisht në këtë vend, ku duket edhe nga fotoja. Shënjestër e atentatit dyshohet të ketë qenë Bledar Muça, pasi mjeti që po ndiqej nga autorët është nën pronësi të tij.
Bashkë me të ishte edhe Florenc Çapja, i mbijetuari i Masakrës së Elbasanit.
Bledar Muça dhe një punonjëse policie mbetën të plagosur nga një atentat i ndodhur sot pranë Gjykatës dhe Prokurorisë së Elbasanit.
Policia ka marrë nën shqyrtim kamerat e sigurisë së bizneseve në vendin ku ndodhi atentati dhe po punon për kapjen e autorëve. Deri më tani janë shoqëruar 15 persona me precedentë penalë. (panorama /r.a)
