Një 13-vjeçare nga Saranda, e cila prej një jave ishte larguar nga banesa, është gjetur në Greqi nga policia e vendit fqinj. Ajo u gjet në Kostur, nën shoqërinë e Gentian Zogut, 33-vjeç.
Oficeri i policisë greke ka kontaktuar me nënën e vajzës ku i ka shpjeguar se 13-vjeçarja do të deportohet dhe sillet në Sarandë, ndërsa Gentian Zogu është ndaluar. Sipas burimeve mësohet se Zogu e ka mbajtur vajzën dy ditë në shtëpinë e tij në Gramsh dhe më pas kanë kaluar kufirin në mënyrë ilegale drejt Greqisë nga mali.
Ndërkohë policia vijon hetimet edhe për rastin e 15-vjeçares me inicialet I.K, e cila u zhduk mesnatën e 7 korrikut dhe u gjet pasditen e sotme në një hotel në Gjirokastër.
