Të tjera trupa pa jetë janë gjetur në Lyman të Ukrainës. Bëhet fjalë për 111 civilë dhe 35 ushtarë, të cilët u gjetën në disa llogore dhe varre pa emër.
Deri më tani në Lyman janë gjetur 25 varre masive, ndërsa në vendbanimet e çliruara në Donetsk janë zbuluar 58 varre komunale, tha policia.
Ndërkohë në fjalimin e tij në Këshillin Evropian, presidenti ukrainas Volodymyr Zelensky shprehu frikën e tij se nëse diga e hidrocentralit Kakhovka shembet për shkak të bombardimeve ruse, 80 vendbanime dhe vetë Kherson mund të përmbyten.
“Me rënien e strukturës, do të kishte vështirësi serioze për furnizimet me energji të Ukrainës për dimër, përveç rrezikut të një shtytje të re migratore për t’u larguar nga vendi. Qindra mijëra njerëz mund të preken”, u shpreh Zelensky.
/a.e
