Deputeti i Partisë Demokratike, Agron Gjekmarkaj i ka bërë një skanim situatës brenda PD. Në fjalën e tij në parlament, ai foli për krizën që ka kapur selinë blu, që sipas tij nuk është thjesht krizë, por një tregues i fortë antropoligjik i kulturës politike në vend.
Teksa solli në vëmendje karrierën e tij brenda PD, që nga koha e anëtarësimit deri më sot, ai u shpreh se i ka lodhur pushteti i munguar, me shpresën se kjo do të ndryshojë kulturën politike në vend.
Pjese nga fjala e Gjekmarkajt ne Parlament
Përkatësinë time në PD e kam përjetuar në mënyra të ndryshme, që kur jam anëtarësuar në kodrat iluzione të Qytetit Studenti.
Dikur me militantizëm që ka shumë pasion dhe pak arsyer, i kam lexuar sjelljet e saj, militanti ndizet kur i thuhet që po bashkëpunon me armikun dhe kur atë ja thua liderit më shumë ndizet ai.
E kam privuar sëbrendshmi këtë furi që partia jonë mbajti në gji.
Urrejtja e paguar më shpejt më shumë se dashuria, më vonë janë ri gjendur përsëri për të vendosur ndonjë ide në murrin e madh, ku shumë demokratë vijnë dhe ikën.
Ajo që po ndodh në PD nuk është thjesht një krizë, por një tregues i fortë antropoligjik i kulturës politike në vend.
Kjo krizë nuk mund ti ikë kësaj sallë.
PD ka lindur si parti që iu kundërvënë absolutizimit. Teksa bënte këtë beteje shpejt binte vet në pozita absolutizmi.
Sot pas 32 vitesh ajo është në një kapërcyell mes ideve të reja dhe tabuve të vjetra, individëve të kohës.
Në konfliktin disa mujor nuk jemi sot në këtë pikë për fat të keq, se përplasen dy mentalitet, një i ri e një i vjetër. Në këtë pikë na ka çuar lufta civile brenda të njëjtit mentalitet.
Në PD sot nuk ka tabu, nuk ka as mite, thjesht një muze i përkohshëm. Zërat e shumta i japin fytyrë krizës, por edhe mund ta zgjidhin atë.
Ne të PD na ka lodhur pushteti i munguar, me shpresën se kjo do të ndryshojë kulturën politike në vend, kjo ndodh nëse turma nuk kërkon kokën e Sokratit.
Përballë kemi një absolutizëm interesash, hermetizëm, pushtetin dhe nënshtrimin ndaj tij./m.j
