Shënohen sërish lëkundje tërmeti, gjatë natës, që lamë pas. Lëkundjet më të fuqishme u shënuan në orën 00.49, me magnitudë 4.3 ballë të shkallës rihter.
Epiqendra ishte në detin Adriatik, në 17 kilometër distancë nga Shijaku.
Në orën 03:51 të mëngjesit të kësaj të premteje, është shënuar një tjetër tërmet me magnitudë 3.3 ballë të shkallës rihter.
Kjo lëkundje e ka pasur epiqendrën 9 kilometër në verilindje të Lezhës, në 26 kilometër thellësi.
Ndërkohë në vijim ka pasur edhe lëkundje të tjera, por me intensitet më të ulët.
Tërmeti i parë goditi vendin paraditen e kësaj të mërkure, me magnitudë 5.1 ballë të shkallës rihter, me epiqendër në Gjirin e Lalzit./a.m.
