Operatori i Shpërndarjes së Energjisë Elektrike ka kallëzuar në Prokurori rreth 6 punonjës të saj të akuzuar për vepra të ndryshme penale. Ka qenë vetë kreu i OSHEE-së Ardian Çela, i cili theksoi se ky është një hap i sigurt i këtij institucioni për të pastruar personat që shpërdorojnë detyrën.
Çela u ndal edhe tek akuzat e opozitës për arrestimet e ditëve të fundit për mospagesën e energjisë, ku sipas selisë blu po bëhen për Festat e Fundvitit. Kreu i OSHEE-së mohoi këto akuza ku tha se kjo është vazhdimësi të punës duke shtuar se ka marrë fund koha kur energjia nuk paguhej. Deklaratat Çela i bëri nga Shkodra ku bëri me dije se deri tani janë investuar 10 milion euro dhe do të vijojë puna për investime të tjera në teknologji dhe përmirësime të rrjetit. /ma.me
