Nick Reiner, djali i regjisorit Rob Reiner, i cili u gjet i vrarë bashkë me të shoqen, Michele, është nën arrest pasi dyshohet se është autori i ngjarjes.
Sipas TMZ, ai shkoi në një hotel në Santa Monica mëngjesin e së dielës dhe la gjurmë gjaku nga pas.
Nick arriti në The Pierside Santa Monica rreth orës 4 të mëngjesit dhe përdori kartën e kreditit. Mbërritja e tij ndodhi pak orë pas një debati të nxehur me të atin në festën e Krishtlindjes së Conan O’Brien.
Dëshmitarët okularë thonë se Nick dukej “i çoroditur”, por nuk kishte shenja të dukshme se ishte përfshirë në një konflikt të dhunshëm pasi nuk kishte njolla gjaku apo plagë në trup. Rezervimi ishte bërë vetëm për një ditë, por Nick nuk e kreu kurrë procedurën e daljes.
Kur stafi hyri në dhomën e tij të dielën, ata gjetën dushin “plot me gjak” dhe gjak në shtrat. Dritarja e dhomës ishte e mbuluar me çarçafë.
Detektivët mbërritën në hoten të hënën për të mbledhur provat dhe intervistuar punonjësit. Nick u gjurmua dhe u arrestua pranë qendrës së Los Anxhelesit.
Sipas burimeve të TMZ, Nick po sillej çuditshëm në festë sepse nuk po ndërvepronte me të ftuarit, veshja e tij ishte e çrregullt. Mbrëmja ishte luksoze, kurse ai kishte veshur një bluzë sportive dhe dukej se kishte konsumuar diçka.
Prindërit ishin përpjekur prej vitesh ta ndihmonin djalin e tyre për të luftuar varësinë, por pa dobi.
