Ka ndërruar jetë deputetja laburiste Jo Cox, e cila u plagos sot pasdite me armë zjarri dhe mbeti e përgjakur në rrugë.
Cox u çua në spital, por nuk arriti t’u mbijetonte plagëve.
Laburistja 41-vjeçare, nënë e dy fëmijëve, u qëllua tri herë me armë dhe më pas disa herë me thiksë, teksa shtrihej përtokë e përgjakur. Dëshmitarët thonë se vrasësi bërtiste “Britania para të gjithash”, teksa e godiste deputeten e shtrirë përtokë.
Ngjarja ndodhi në Birstall, pranë Lidsit. Dy fushatat referendare, ajo pro largimit të BE dhe tjetra kundër daljes nga Bashkimi Europian, njoftuan ndërprerjen e mitingjeve dhe takimeve elektorale.
Dëshmitarët thanë se autori e priste te zyra dhe e goditi tri herë me pistoletë, një në kokë, sapo ajo mbërriti, ndërkohë që e goditi edhe disa herë me thikë.
Bashkëshorti i saj, Brendan, publikoi një foto të së shoqes në Twitter, teksa ajo u çua me urgjencë në spital, me plagë shumë të rënda.
Një 53-vjeçar, i njohur si Tommy Mair, është arrestuar nga policia dhe shtëia e tij po kontrollohet me imtësi nga ekspertët.
D.I.
