Barcelona është në kërkim të përforcimeve në sulm. Dhe, e përditshmja sportive katalane “Mundo Deportivo” ka zbuluar dy emra të rinj që kërkohen nga kampioni i La Ligës.
Njëri prej tyre, është ai i sulmuesit të Torontos, Sebastian Giovinco. Ish futbollisti i Juventusit ka shkëlqyer në Major League Soccer ku me golat e tij të vazhdueshëm është rikthyer në ekipin e “Azzurrëve” në ndeshjet e fundit kualifikuese për Euro 2016.
Kurse, një tjetër sulmues i kërkuar nga Barcelona është ai i Paris Saint-Germain, Ezequiel Lavezzi. Reprezentuesi argjentinas ishte pritur të largohej nga kampioni i Ligue 1 gjatë afatit kalimtar të verës, por në fund qëndroi në klub.
