Kryeministrja Giorgia Meloni njoftoi këtë të diel se do të japë dorëheqjen si presidente e Grupit të Konservatorëve dhe Reformistëve Evropianë të qendrës së djathtë.
Meloni e bëri njoftimin në një fjalim në festivalin vjetor të të rinjve të partisë së saj “Brothers of Italy” në Romë. Në të morën pjesë mbi 300 të ftuar, duke përfshirë disa përfaqësues të partive opozitare të Italisë dhe kryeministrin e Libanit Najib Mikati.
Festivali njëjavor është shndërruar në një platformë për të festuar qeverinë e Melonit, e cila, dy vjet pas marrjes së detyrës, po vendoset si një nga më të qëndrueshmet në historinë e fundit të vendit.
Meloni tha se “stabiliteti politik” është “ajo që e bën Italinë më të besueshme në nivel kombëtar dhe ndërkombëtar”. Dhe ajo shprehu besimin se qeveria do të qëndrojë në detyrë për të gjithë mandatin e saj.
Ajo tha gjithashtu se partia e saj tani do të mbështesë Mateusz Moraëiecki të Polonisë si udhëheqësin e ardhshëm të grupit ECR.
