Mungesa e artistes së ndjerë shqiptare, Hueyda El Saied ndihet gjithmonë e më shumë, sidomos për familjarët dhe për të gjithë ata që kishin fatin të kishin pranë vetes një njeri që vetëm rrezantonte mirësi dhe pozitivitet.
Sot, në një datë të shënuar për të gjithë të gjithë të dashuruarit, siç është “Dita e Shën Valentinit”, bashkëshorti i saj Thierry e ka kujtuar me një postim mjaft të ndjerë në Instagram.
“Më mungon shumë dashuria ime… Gëzuar Ditën e Shën Valentinit mes yjeve! Të dua Hueyda”, ka shkruar Thierry.
E lindur në Shqipëri dhe me origjinë nga Sudani, El Saied jetonte prej vitesh në Luksemburg me bashkëshortin Thierry dhe djalin e vogël, Gabriel.
Hueyda El Saied ishte një figurë tejet e njohur për publikun shqiptar. Ajo ishte një artiste multidimensionale: Prezantuese, balerinë, këngëtare, piktore e madje edhe shkrimtare. El Saied mësohet se vuante nga një sëmundje e rëndë, me të cilën nuk mundi ta fitonte betejën.
/a.r
View this post on Instagram
