60 vitet e tij në skenë mjeshteri i madh Gëzim Kruja i ka kurorëzuar me një shfaqje të tijën në teatrin “Migjeni” të Shkodrës!….
Mjeshtri i Madh dhe kolegët e tij Zef Deda, Drande Xhai dhe Muhamet Çekini risollën të qeshurën, përmes thumbimit, të cilit nuk i shpëtoi edhe vetë Estrada e qytetit të humorit.
Shfaqja përveç elementëve të fortë humoristik, u gërshetua me këngët më të mira shkodrane, interpretuar prej artistëve Rezarta Smaja, Klodiana Vata, Laorjan Ejlli.
Në jetën e tij artistike, aktori i humorit Gëzim Kruja në 60 vitet në skenë u kthye në një prej personazheve më të dashur, jo vetëm për publikun Shkodran, por edhe atë shqiptar duke mbushur me plot humor mbrëmjet e familjeve shqiptare.
Edhe pse tashmë 78 vjeç, Gëzim Kruja vazhdon që të japë kontributin e tij në shfaqjet e herëpashershme veçanërisht në Shkodër.
/A.Rada
