Nga Artur Ajazi
Gazi dhe Virusi janë një. Ata nuk do të ndahen dhe do të rrinë bashkë, ata nuk do ti ndahen as shqiptarëve, derisa të mbyllet me sukses kjo histori. Dje Gazi ka vajtur trak e truk, në dyert e Prokurorisë, dhe ka paditur ministren e Shëndetsisë zonjën Manastirliu, pasi ajo sipas tij “akuzohet për 5 vepra penale të rënda”.
Gazi duke mbajtur 2-3 kuti me maska të ardhura nga Kanadaja, dhe duke qenë mjaft i “shqetësuar” për “jetën e mjekëve, infermierëve dhe shqiptarëve”, gjeti tamam kohën e duhur për të vënë drejtësi. gazi dhe Virusi, duket sikur janë një, duket sikur kanë bërë paktin me të keqen, dhe po ecin paralalisht bashkë, deri në fund të rrugëtimit të tyre. Një sekretar partie në opozitë, një sekretar i një partie që nuk dihet sa ndjekës i kanë mbetur (jo më elektorat) që ditë-natë shfryn dhe kënaqet me ardhjen e Virusit (kësaj here coronë) dhe numuron të prekurit, duke u lutur të shtohen çdo ditë, është një “virus” më i keq se çdo tjetër.
Por sekretar Gazi ka vendosur dhe ka pranuar para Doktorit dhe Lulzimit, se “do të jetë në rreshtat e para të luftës ndaj qeverisjes edhe në kohë të liga”. Pra sekretar Gazi nuk e ka problem se shqiptarët duan ndihma dhe solidaritet, nuk e ka problem se vëmëndja e shqiptarëve është kthyer nga këshillimi dhe zbatimi i rregullave të rekomanduara nga Ministria e Shëndetsisë për kujdesin ndaj coronavirusit, por mbetet stoic në “goditjen e korrupsionit”.
Zoti madh, fali se nuk janë në vehte. Kjo është patjetër opozita e vjetëruar, e cila nuk ka dhe nuk do të ketë shansin të rikthehet ndonjëherë në pushtet, me këta sekretarë që ka afruar rreth vehtes.
Njerëz që janë thirrur në atë parti, për ti keqpërdorur si leva të ndryshkura, njëpërdorimëshe, dhe kaq. Por edhe pse nuk e kanë efektin e duhur tek shqiptarët, sekretarët dhe “doktorrët” e SHQUP-it, nuk po e kuptojnë fare momentin, çastin, dhe kohën e duhur. Ata nuk po e kuptojnë, se vendi ka sot një qeveri të ligjshme dhe të përgjegjshme, e cila pas tërmetit të tmerrshëm, po nis të menaxhojë mrekullisht me asistencën e OBSH-së, situatën e krijuar nga ky virus i importuar. Gazit dhe gazëve të SHQUP-it, u ka mbetur ora tek babalet, dhe tek “data e skandencës”, duke harruar se partia e tyre, ka vite që e ka kaluar datën, dhe vitin e skandancës.
Ata kanë mbetur atje, si maska të Doktorit, që i ysht ata, të vrapojnë drejt Prokurorisë edhe për llastikun e maskave , apo edhe për të fabrikuar “5 akuza ndaj ministrave”. Shko Gaz, shko sërish në Prokurori, por shko pa maskë, sepse Virusi është “miku” juaj, mezi e keni pritur të vijë, por kujdes SHQUP-in Gaz.
