Në mediat amerikane mund të botosh me pagesë shkrime promocionale me permbajtje politike. Kjo praktikë po shfrytëzohet nga politikanë shqiptarë që janë të lidhur me lobe në Washington. Rasti i fundit lidhet me shkrimin e botuar në “Washington Times”, ku autori Jason Katz, pretendon të përcaktojë se kush është zë i moderuar dhe kush është radikal në politikën shqiptare.
Autori arrin deri aty sa ta sulmojë kryemnistrin Edi Rama me të njëjtin fjalor që përdor ndaj tij kundërshtari politik i djathtë, Sali Berisha. Shkrimi është botuar nën logon “artikull promocional”. Megjithatë në Shqipëri shkrime të tilla kanë efekt jo të vogël tek publiku, sepse faktet serviren si të vërteta dhe përcillen tek audienca nga aktorët politikë, apo të medias, pra informacioni nuk konsumohet nga burimi, në këtë rast gazeta amerikane.
Në fakt, botuesi “Washington Times” është kujdesur për këtë pjesë, duke vendosur shënimin që të tregon se ky shkrim është reklamë. Janë një praktikë e njohur editorialet në mediat e njohura ndërkomëbetare e vecanërisht ato britanike e amerikane, shkrime të cilat paguhen për t`i thurur lavde apo për goditur sa më shumë një qeveri apo politikanë tëcaktuar. Por ky artikull ka një veçanti: Eshtë shkruar në Tiranë dhe i është vendosur emri i drejtuesit të një OJQ-je amerikane.
Në shkrimin e ‘The Washington Times’ kryeministri shqiptar Edi Rama konsiderohet si një “albatros” për Amerikën. Shkrimi nuk ka asnjë notë pozitive, jep një pasqyrë të zhvillimeve politike duke nisur me përplasjet për reformën në drejtësi, korrupsionin, akuzat e opozitës dhe ndalet gjatë tek pajisja e përgjimit IMSI Catcher, madje citohet Wikipedia për të shpjeguar përgjimet e supozuara se janë bërë në Shqipëri.
Në qoftë se në shkrimet e mëparshme, të paguara herë me paratë e taksapaguesve shqiptarë, herë me para të pista, janë bërë publikë porositësit, në këtë rast nuk ka akoma një emër të të interesuarit për botimin e artikullit. Më parë, ish kryemnistri Sali Berisha ka paguar para për studio që kanë organizuar fushata për cështje të ndrsyshme, ku përfshihej edhe botimi i shkrimeve të ndryshme. Po ashtu edhe qëeveria Rama ka përdurur shtypin ndërkombëtar për fushatat e promovimit të ekonomisë shqiptare dhe përmirësimin e imazhit të vendit. Pas një kërkimi të thjeshtë mbi autorin e shkrimit, zbulojmë se Jason Katz është ka lidhje indirekte me Ilir Metën.
Katz është drejtor i Tool Shed Group, LLC, dhe ish-kreu i çështjeve publike për Komitetin Amerikan Hebre. Vlen të përmendet fakti se Kryetari i Parlametit Ilir Meta në viztën e disa javëve me parë, me ftesë të Komitetit Amerikan hebraik, (KHA), mori pjesë në Forumin Global KHA, në Ëashington DC, ku u prit nga Kryeshefi Ekzekutiv i AJC, David Harris. Nuk është aspak rastësi që autori i shkrimit Jason Katz financohet nga enti me të cilin Meta zhvilloi takimin.
Botimi i shkrimit të mërkurën pasdite, në të njëjtën ditë që Rama u nis për në Ankara, nuk është krejt koincidencë. Sepse, artikulli merret gjatë edhe me çështjet fetare dhe pozicionin e Shqipërisë si vend mysliman i moderuar, madje që duhet marrë shembull nga SHBA. A e frymëzoi Meta këtë shkrim kundër Ramës? Këtë nuk mund ta themi me siguri. Por, autori është i njëjti që, para dy javësh, shkruante se Ilir Meta është i vetmi zë i moderuar i politikës shqiptare./TeMa/a.k
