Gazetari Klodian Tomori shkruan se nëse koncensionari i Aeroporit të Vlorës nuk arkëton 140 mln euro në 10 vite, do kompensohet nga qeveria.
“Plot 140 milionë euro do t’i garantojë qeveria koncesionarit privat që do të ndërtojë aeroportin e Vlorës. Këto janë vetëm për 10 vitet e pare të operimit.
Edhe sikur mos të fluturojë asnjë avion ne Vlore, prapë privati ka minimalisht 140 milione euro të ardhura të sigurta. Sepse edhe nëse nuk arkëton nga tarifat, ja paguan buxheti. Të gjithë riskun e merr shteti, domethënë taksapaguesit. Koncesionari fut në xhep fitimet.
Askush nuk e di se sa do jetë kostoja e ndërtimit të Aeroportit. Qeveria e ka hapur tenderin pa studim të mirëfilltë fizibiliteti. Kjo është një tjetër thagmë. Kanë marrë një studim të para dy vjeteve, që kontraktoi Autoriteti i Aviacionit për ndërtimin e një aeroporti në Jug me vend të papërcaktuar. Këtë studimin e kanë përditësuar dhe ja kanë veshur Vlorës.
Megjithatë, paraprakisht është thënë një kosto ndërtimi nga 80-100 milionë euro. Kaq do t’i kushtojë koncesionarit. Qeveria i garanton 140 milionë euro kthim në 10 vitet e para. Dmth 40-60 milionë euro mbi koston e ndërtimit. Pastaj ja lë shfrytëzimin falas për 25 vjet të tjera.
Gjithmonë është e njëjta skemë. Asnjë risk privati, të gjithën riskun per qytetarët. Këto janë koncesione si ato të Afrikës së Jugut në epokën para Mandelës. Të gjitha. Po të paktën atje në Afrikë qeveria nuk ja shiste me show kontratat gllabëruese popullit. E bënin dhe kaq. Më e ndershme ashtu”, shkruan ai. /Tema/
