Gazetari i “BILD” Peter Tiede ka reaguar pas njoftimit të kryemionistrit Edi Rama se i kishte dhënë prokurën avokatit gjerman Matthias Prinz, për nisjen e procesit gjyqësor.
Tiede i është kundërpërgjigjur në postimin e vetë kryeministrit Edi Rama, ku e pyeste se përse po e akuzonte.
“Dhe pse po më akuzoni mua? Për publikimin e audiopërgjimeve të vërteta?”,- shkruan Tiede.
Më herët kryeministri Rama shkruante: “Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije.”
