Gazetari Vincent Van Gerven Oei i ftuar në emisionin “Tempora” në RTV Ora u shpreh se për krizën politike duhet gjetur një zgjidhje politike me ide të reja.
Sipas tij këtë përgjegjësi e ka opozita, e cila duhet të paraqesë ide të reja, jo vetëm abstrakte.
Vincent e vuri theksin edhe tek deklarata e Bashës, të cilat i quajti po ashtu abstrakte dhe se nuk e kuptonte se çfarë thoshte.
Vincent Van Gerven Oei: Duhet një zgjidhje politike dhe për këtë zgjidhje duhen ide të reja. Unë besoj që është tagri i opozitës për të na dhënë ide të reja. Ide të reja jo vetëm në mënyrë abstrakte. Unë dëgjoj Lulzim Bashën dhe dëgjoj vetëm gjëra abstrakte nuk e kuptoj se çfarë thotë.
Do ishte mirë po të kishte propozime konkrete për amendime ligjore, si të ndreqim reformën në drejtësi sepse ideja ka qenë e mirë.
Nëse ka ide të mirëartikuluara dhe të rrënjosura brenda kuadrit ligjor do dëgjohet nga ndërkombëtarët opozita. Po unë nuk e kam parë këtë.
g.kosovari
