Katër herë pyetjet e bëra të gazetarëve të KTV-së drejtuar Zyrës së Presidentit Hashim Thaçi, nuk morën përgjigje. Një kërkesë të ngjashme që nga 12 prilli e ka bërë edhe gazetari i “Kohës Ditore” Fitim Gashi.
Por njëjtë sikur kolegët e tij, mbeti pa përgjigje. Mostransparenca e Presidencës paraqet vështirësi në kryerjen e punës së gazetarëve. Për këtë, Asociacioni i Gazetarëve kërkon nga Zyra e Presidentit që të rrisë bashkëpunimin me gazetarët.
Edhe në kohën sa ishte kryeministër, zëvendëskryeministër dhe ministër i Punëve të Jashtme, Hashim Thaçi kishte vepruar njësoj, duke mos u përgjigjur në interesimin e mediave.
KTV-ja ka insistuar për një përgjigje nga Zyra e Presidentit, por të njëjtit njerëz ia injoruan pyetjet sërish. (b.an)
