Flamur Noka në mbledhjen e Këshillit Kombëtar të Rithemelimit ka deklaruar se sot është bërë edhe akti final i bashkimit tërësor të grupit opozitar.
Në diskutimet me dyer të mbyllura, Noka është shprehur se vendimi për ndryshimet në statut janë historike.
Sipas këtyre ndryshimeve, kreu i grupit parlamentar si edhe nënkryetari i kuvendit automatikisht per shkak te funksionit jane nënkryetarë te PD.
Flamur Noka: Kryesia e PD me propozim te kryetarit sjell ne kuadrin e bashkimit te shumëpritur, qe ka qene kryefjale e Kuvendit te jashtëzakonshëm te 11 dhjetorit ( me te hapur dhe me te bashkuar). Pas negociatash grupi parlamentar u bashkua, kryetari i Partisë dhe Kryesia propozon ndryshime statutore per bashkimin
Per çështje te jashtëzakonshme ramë dakord ne mbledhjet e mëparshme, vendosem t’ja kalojmë këshillit kombëtar ndryshimet statutore.
Neni 46.pika 3 hiqet fjalia e pare; 2 nenkryetar dhe ne nenin 51 hiqet neni ku përcaktohen 2 nenkryetar PD.
Sot me miratimin e tyre bëjmë aktin final te bashkimit tërësor.
Vendimi i Këshillit Kombëtar është historik ne dobi te bashkimet te PD.
Nderkohe Noka, pas përfundimit të Këshillit Kombëtar të Rithemelimit, deklaroi se tashmë bashkimi i opozitës është më afër se kurrë.
Noka tha se mbledhja e Këshillit Kombëtar i shërbeu bashkimit të opozitës. Ai shtoi se misioni historik i demokratëve është që të kthejnë votën e lirë, e cila, sipas tij, është dhunuar në 10 vitet e qeverisjes së Edi Ramës.
“Ne jemi në një etapë të re, duam bashkimin e demokratëve. Tashmë të gjithë të bashkuar do të vërshojmë cep më cep të Shqipërisë, për të bashkuar opozitarët për të rrënuar qeverinë kriminale.
Misioni ynë historik është që shqiptarët të votojnë të lirë. Prej 10 vitesh, qeveria shkatërron zgjedhjet.
Dhe që të rikthehet vota e lirë, duhet një qeveri teknike. Ndryshimet janë konfirmuar nga Kryesia dhe tani do të kalojnë tek Këshilli Kombëtar”, u shpreh Noka./m.j
