Kryetari i Grupit Parlamentar të Partisë Demokratike, Gazment Bardhi, është shprehur se nuk ka kompleks të ulet me cilindo për bashkimin e kësaj force politike.
Komentet Bardhi i bëri përmes një deklarate për media, ku u pyet nëse ishte i gatshëm të ulej me ish-kryeministrin Sali Berisha për të diskutuar mbi bashkimin e PD-së.
Bardhi tha se për interesin e shqiptarëve është ulur në një tryezë edhe me kryeministrin Edi Rama, duke nënkuptuar se takimi me berishën në interest ë PD-së për të nuk është problem.
Pjesë nga biseda:
Pyetje: A jeni të gatshëm të uleni në një tryezë me Berishën për të gjetur një zgjidhje për bashkimin e PD-së?
Bardhi: Unë nuk kam asnjë kompleks të ulem me cilindo. Kur kam pranuar të ulem në një tryezë për interesin e shqiptarëve me Edi Ramën, nuk kam kompleks tjetër. Selia nuk është një ambient që detyron që duhet të bëhen patjetër mbledhjet aty. Duhet të na jepni më shumë kohë për të normalizuar marrëdhëniet me njëri tjetrin.
Pyetje: Mendoni që kthimi i Bashës e ka tmerruar zotin Berisha?
Bardhi: Unë nuk jam analist, duhet të pyesni aktorët që ju përmendët./m.j
