Vaksina kundër COVID e krijuar nga Instituti Henner i Universitetit të Oksfordit së bashku me Astra Zeneca mund të aprovohet nga autoritetet britanike që në javën e ardhshme. Sipas mediave të këtij vendi dozat e para mund të shpërndahen duke filluar nga 4 janari.
Kreu i Astra Zeneca, Pascal Soriot tha për Times të Londrës se të dhënat e reja do të tregojnë se vaksina e tyre është po aq efektive sa Pfizer dhe Moderna, duke mbrojtur 95% të pacientëve nga virusi. Sipas tij, vaksina është një mbrojtje në 100 në parandalimin e formave të rënda të sëmundjes, të cilat kërkojnë shtrimin në spital.
Krahasuar me formulën BioNTech-Pfizer, formula e Oksfordit ka disa përparësi, para së gjithash për temperaturën në të cilën duhet të ruhet. Një frigorifer normal është i mjaftueshëm, në – 4 gradë celsius. Nuk nevojiten ngrirës të veçantë, të aftë për të ruajtur një temperaturë prej – 70, siç kërkon vaksina Pfizer. Kjo do të jetë lehtësi për të dërguar vaksinën në zona të izoluara gjeografikisht, por edhe në e varfra apo ato në zhvillim.
Për më tepër, kostoja e vaksinës së Oksfordit është e paktë. Astra Zeneca është zotuar ta shpërndajë atë me koston e prodhimit ose 2.8 euro për dozë: 8 deri 10 herë më pak se vaksinat nga Moderna dhe Pfizer. Edhe ky është një faktor që ndihmon vendet me të ardhura të kufizuara. Vaksina e Oksfordit është testuat në popullatën e moshuar, nga 70 vjeç e lart dhe rezultoi e efektshme.
