Gara për kreun e PD, Astrit Patozi pritet të shpallë kandidaturën në 18:00

Astrit Patozi ka njoftuar një dalje për mediat në orën 18:00. Ish-nënkryetari i Partisë Demokratike, pritet që nga ky komunikim për mediat nga selia blu, të shpallë zyrtarisht kandidaturën e tij për kryetar të PD. Patozi është një nga figurat më të rëndësishme të Partisë Demokratike dhe pritet të bëhet pjesë e garës krahas Lulzim Bashës dhe Eduard Selamit. Ai gjate muajve te fundit ka qene nje nder zerat me kritik kunder Bashes. Rezultati i zgjedhjeve i cili ishte shume problematik per PD, beri qe Patozi te vihet ne vijen e pare te kritikave kunder kreut aktual te PD. Sipas Patozit, Basha e ka kthyer PD ne nje parti familjare dhe se rruga qe po ndjek per t’u rishpallur kryetar i PD eshte nje perpjekje per ta grabitur PD.

Ajo që pritet te deklaroje Patozi sot vjen vetem pak dite pas daljes se tij te forte në “Opinioin” teksa tha se “Nese nuk do te kete kandidat te denje per zgjedhjet e kryetarit te PD-se, atehere jam gati te hyj une dhe ta shpartalloj Bashen. Une e shpartalloj per 2 minuta. I njoh strukturat e partise”.

Akuzat e Patozit 

Patozi me heret theksoi se “Unë nuk do të kandidoj për kryetar të PD-së. Kam dy arsye të forta. Unë nuk do të kandidoj për shkak se PD sot nën drejtimin e Bashës është bërë gati të hapë një farsë elektorale. Do të thotë që çdo lloj gare minimalisht ka nevojë për disa kushte. Zoti Basha në shkelje të rëndë të statutit të PD-së e hedhin në erë që ditën e parë procesin. Akti i parë konsiderimi i vetëngrirë i kryetarit të PD-së. Kjo nuk është vetëm anti-statut por nuk gjendet në asnjë vend të botës”, theksoi Patozi.