Gjeorgjia ndodhet mes Kaukazit të madh dhe të vogël, por ajo nuk dallon shumë prej Ballkanit.
Një vend i vogël në periferi të Europës, që për shkak të maleve dhe rrugëve të këqia duket shumë i madh. Edhe aty njerëzit janë mikpritës dhe të detyrojnë të hash derisa të jesh fryrë dhe ta mbushin gotën me raki të bërë vet pa të pyetur fare.
Dallimet me Ballkanin janë fare të vogla. Malet në Gjeorgji janë disi më të lartë, vera është më e mirë dhe hiperbolizimi pak më i madh, shkruan JavaNews.al
Por sot, kryeqyteti Tbilisi po përballet me një arkitekturë vetëvrasëse dhe projekte të kota që ka nisur të zbatohet që pas rënies së Bashkimit Sovjetik.
Fasadat e xhamit në qendrën historike, apo godina e triumfit të ish-presidentit Mikhail Shakashvili vështirë se mund të mos tërheqin vëmendjen e vizitorëve. Mbi urën e valëzuar që quhet “Gjithmonë Ultra” ndodhet një çati që ngjan më tepër me një peshqir të flakur – shkruan The Guardian, i cili sjell problematikën e Tbilisit përmes një reportazhi.
“Kjo është një skenë sureale, një parodi tragjike e projekteve të kota” – shkruan gazeta britanike.
Por, pikërisht për këtë pasqyrë, në Tbilisi mund të gjeni edhe guidën e ‘Shëtitjeve të shëmtuara”. Arkitekti Irakli Zhavnia shprehet se: Kjo është pasoja katastrofike e marrëveshjeve të korruptuara, shkatërrimit të trashëgimisë dhe privatizimit të hapësirave publike.
Pamja nga sheshi qëndror, që quhet “Sheshi i Lirisë”, sheh një perspektivë të habitshme, me Kuvendin dhe ndërtesat e tjera të shekullit XIX të inkuadruar në një sfond dramatik me malet e zhevshura.
Fasada prej qëlqi të errët të një hoteli i zë ‘frymën’ Asamblesë, ndërsa kodra është zbukuruar me një pirg mbetjesh metalike dhe një helikopter mbi kryer.
I quajtur “Qelqi”, ky është vendbanimi i njeriut më të pasur të Gjeorgjisë, Bidzina Ivanishvili. Bëhet fjalë për një pallat që kushton 30 milionë paund dhe është projektuar nga arkitekti japonez Shin Takamatsu. Ka në përbërje një kopsht zoologjik privat dhe një sallë banketi. Ndërsa muret në brendësi mbajnë koleksione me vlerë plot 1 bilionë paund.
Megjithatë ka shumë gjëra të tjera të çuditshme në Tbilisi. Siç janë skelat e vendosura nëpër ura, apo instalimet në përgjithësi.
Përgatiti JavaNews.al
