Krahas ndërtimit të këndeve të reja, Bashkia e Tiranës shprehet se vëmendje po i kushton edhe mirëmbajtjes së këndeve të ndërtuara deri më tani.
Sipas planit të punës për mirëmbajtjen, specialistët e Bashkisë së Tiranës kanë rigjeneruar gjelbërimin e sheshi rekreativ te Komuna e Parisit.
Gjithashtu është bërë dhe pastrimi dhe riparimi I moduleve të lojërave të dëmtuara, ndërsa po punohet për zëvendësimin e bimësisë sezonale.
Këndi i lojërave për fëmijë në “Komunën e Parisit”, shërben edhe si një shesh pushimi për të moshuarit dhe banorët e zonës.
Sipërfaqja totale e sheshit është rreth 800 m2, ku gjysma e sipërfaqes është e gjelbëruar dhe gjysma tjetër është dedikuar për këndin e lojërave dhe të pjesëve për kalim.
Bashkia vazhdimisht u ka bërë thirrje qytetarëve që të mirëmbajnë këndet e lojërave dhe ambientet publike si një pasuri e përbashkët e gjithë qytetit. /b.d
