Gaiani ambasador i Shqipërisë në Romë? Ja propozimi i Ramës për zyrtarin italian
Ambasadori Italian Massimo Gaiani pas pak ditësh do të largohet nga Tirana pasi i mbaron mandati. Kryeministri Edi Rama duke vlerësuar bashkëpunimin e mirë me ambasadorin tha se i kishte propozuar Gaianit të marrë nënshtetësinë shqiptare të bëhej ambasadori i Shqipërisë në Romë.
Madje një ofertë e tillë tha Rama do të mbetet e hapur nëse detyra që i ngarkon ministria e Jashtme italiane nuk do t’i pëlqejë.
“I kërkova të marrë nënshtetësinë shqiptare dhe të bëhej ambasadori jonë në Romë. Nëse detyra e re nuk do të jetë në lartësinë e duhur është gjithmonë mundësia për tu kthyer në këtë shtet dhe ta prezantosh denjësisht” tha Rama në forumin e biznesit Shqipëri-Itali
