Moderatorja, Ilda Bejleri në “Procesin Sportiv” që ajo drejton, ka bërë gafë duke ngatërruar liderin demokrat Lulzim Basha me kryeparlamentarin Gramoz Ruçi.
I ftuar në panelin e emisionit ishte dhe fotografi Armand Sallabanda, i cili u pyet nga Ilda se kë do të zgjidhte nga Parlamenti, për të bërë disa fotografi, një femër dhe një mashkull. Duke hezituar fillimisht të përgjigjet, Sallabanda u shpreh se do të donte t’i bënte disa fotografi kryetarit të Kuvendit Gramoz Ruçi, ndërsa moderatorja ndërhyri dhe bëri lëmsh studion.
“Mashkull do të zgjidhja kryetarin e Kuvendit, sepse ka karakteristika tipike shqiptare”, tha fotografi, ndërkohë Ilda ndërhyri duke thënë “aaa Basha”, dhe ktheu sytë nga Ervin Salianji, i cili ishte po ashtu i ftuar në emision.
Për të zbutur disa gafën e moderatores, fotografi Sallabanda ndërhyri sërish. “Jo jo, kryetarin e Kuvendit”, u shpreh ai.
