Një postim në Twitter i kandidatit republikan për President, Donald Trump, ka hapur një debat të madh, në atë që duket si “goditja” e rradhës e miliarderit amerikan. Trump shkruan në rrjetin social në lidhje me ngjarjen e ndodhur sot në Paris, ku një person u qëllua për vdekje nga efektivët në ambientet pranë komisariatit të policisë.
Trump në postimin e tij shkruan për ngjarjen dhe më pas thotë se Gjermani gjendet në një katrahurë të madhe. Kjo ka bërë që njerëzit të debatojnë nëse Trump me të vërtetë mendon se Parisi, kryeqyteti i Francës, ndodhet në Gjermani.
