Rryma e njohur oqeanike është rikthyer pas pesë vjet mungese. Dhe do të ketë efekte në klimën e gjithë planetit: shira të rrëmbyeshëm në Kili, Peru dhe Bolivi, thatësira të gjata në Australi dhe Indonezi.
E quajnë El Nino, sepse lind dhe zhvillohet në ditën e Krishtlindjeve në brigjet e Perusë. Por është një fëmijë i tmerrshëm, siç e quajnë klimatologët. Kjo rrymë e fuqishme e Oqeanit Paqësor, është në gjendje që duke rritur temperaturën e ujrave detare me dy gradë, të shkaktojë pasoja mbi të gjitha vendet e globit.
“El Nino provokon efekte të ndjeshme në shumë zona të Tokës”, shpjegon klimatologu Vincenzo Ferrara. “Do të sjellë shira të forta dhe përmbytje në Kili, Peru dhe Bolivi, por do të ketë efekt të kundërt në Australi dhe Indonezi, duke sjellë muaj të tërë thatësirash dhe të nxehti të jashtëzakonshëm. Klima do të jetë edhe më e thatë në Afrikën subsahariane dhe në gjirin e Guinesë. Do të ketë gjithashtu një efekt në rrymat ajrore të lartësive”.
El Nino është një fenomen që ndodh një herë në pesë vjet. Rikthimi i tij tani do të sjellë zhvillime të ndjeshme për të gjithë vitin 2015.
