Kasandër Noga, autori i dyshuar i atentatit ndaj Erion Hasanbelliut të dielën në qendër të Brukselit është vënë në pranga. Mësohet se 45-vjeçari shqiptar është ndaluar në Vjenë. Atentati ndodhi më 11 Qershor. Prej asaj dite, ndaj shqiptarit ishte lëshuar një urdhër arresti ndërkombëtar. Ndërkohë mediat austriake shkruajnë se ditët e fundit, policia në Vjenë ka qenë në ndjekje të një informacioni se ky person ndodhej në Vjenë.
Gazetari i Artan Hoxha, raporton se 45-vjeçari Noga është arrestuar në një ndërtesë të hënën. Madje ai ka qenë i habitur nga veprimet e autoriteteve austriake, por nuk ka bërë rezistencë. Hetuesit besojnë se i arrestuari ishte nisur drejt Shqipërisë. Policia belge dyshon se në atentatin ndaj Hasanbelliut janë përfshirë dy persona, Noga dhe një tjetër që nuk është identifikuar ende.
Edhe policia shqiptare ka dhënë informacionet e saj në lidhje me këtë rast. Pas shkëmbimeve të informacionit me policinë belge, uniformat blu të Shqipërisë kanë ushtruar kontrolle për gjetjen e Nogës. Këtu kanë kuptuar se ai nuk kishte hyrë në Shqipëri.
Është dashur shkëmbimi i informacionit mes policive në Shqipëri dhe Belgjikë për vendndodhjen në Austri të 45-vjeçarit Noga, i cili më pas u vu në pranga.
Atentati ndaj Erion Hasanbelliut tronditi qendrën e Brukselit. 43-vjeçari Erion Hasanbelliu ndodhet në spital në Bruksel në gjendje të rëndë, pas 6 plumbave që mori pas shpine dhe 3 në këmbë.
Hakmarrja dyshohet të jetë pista kryesore e atentatit ndaj Erion Hasanbelliut. Ky I fundit me autorin e plagosjes prej viti 2000 janë në hasmëri.
Saga e vrasjeve nis me Aqif Hasanbelliun, babain e Erionit. Hakmarrja vazhdoi edhe me një seri ngjarjesh të tjera, pasi Erion Hasanbelliu bashkë me vëllain e tij Geron Hasanbelliu ekzekutuan Julian Çelën dhe plagosën rëndë Kasandro Nogën në 2002, në Antverp të Belgjikës.
Kasandër Noga është një emër i njohur i botës së krimit, sipas mediave belge ai akuzohet për të paktën 5 vrasje dhe disa plagosje në këtë vend, por edhe për vrasje të kryera në Shqipëri.
“Erion Hasanbelliu ka ende 4 plumba në trup. Ai vazhdon nën kujdes intensiv. Belgjika ka dënim me të ulët se Shqipëria për vrasje prandaj edhe kanë zgjedhur atë vend. Autoritetet austriake e kapën në Vienë shumë shpejt Kasandër Nogën. Ai u kap në momentin që po vinte në Shqipëri. Kasandër Noga sapo kishte dalë nga burgu në Shqipëri me kusht dhe avokat ka qenë Alban Bengasi. Mësohet se ka paguar një shumë të majme për të dalë.
Kasandër Noga ka qenë në Akademinë e Policisë për tre vjet. Në atë kohë kanë qenë 27 veta dhe kanë dalë 24. Ai e di se si funksionon sistemi. Zgjodhi rrugën tjetër. Nuk ka shumë kohë që kanë dalë nga burgu. Brenda 18 muajve të fundit. Edhe Erion Hasanbellit. Edhe Kasandër Nogas. Avokati i tij është shapllur në kërkim”.
“Babai i Kasandër Nogës e ka lënë në moshë të vogël. Ai ka qenë nën kujdesin e xhaxhallarëve. Ai në ngjarjen e Sanatoriumit ka shkuar për llogari të Julian Celës. Kur ka shkuar në spital ka qenë me kapele dhe me automatik. Aty ka gjetur 5 pjestarë të tjerë, ka tentuar që ta bllokojë në dhomë, por dikush ka mbajtur derën mbyllur dhe ai futi vetëm armën duke qëlluar me breshëri brenda dhomës. Aty janë vrarë dy persona, mes tyre edhe babai i vëllezërve Hysenbelli dhe janë plagosur tre të tjerë”, tha Artan Hoxha./ abcnews
g.kosovari
