Është vjedhur arka në të cilën mbaheshin paratë, në zyrën ku bëhen pagesat e faturave të ujit të pijshëm në Vlorë. Ngjarja ka ndodhur gjatë natës së sotme, ku persona ende të pa identifikuar kanë hyrë në godinë dhe kanë kryer vjedhjen. Por, mësohet se në arkën ku mbaheshin paratë nuk ka pasur lekë brenda, ndaj dhe vjedhësit janë larguar “duarbosh”.
Zyra e pagesave të ujit që u vodh ndodhet në bulevardin Vlorë-Skelë. Policia ka mbërritur në vendngjarje dhe ka nisur menjëherë hetimet për kapjen e autorëve të kësaj vjedhje.
