Koronavirusi nuk rresht së përhapuri, ku së fundmi është konfirmuar si i infektuar, një futbollist i ekipit shqiptar të Besëlidhjes.
Bëhet fjalë për futbollistin serb Milan Djordevic, i cili nga tamponi i kryer ka rezultuar pozitiv ndaj Covid-19.
Lajmi vjen teksa Djordevic ndodhet në Serbi, prej nga bën me dije se ndodhet në gjendje të mirë shëndetësore dhe është karantinuar në shtëpi.
“Dëshira ime është që të kthehem dhe të luaj në Shqipëri, por nuk e di se si do të shkojë kjo situatë. Edhe këtu në Serbi e kemi të vështirë të luajmë, pasi aktiviteti elitar ka nisur. Mundësia e vetme është që të luaj në ligën e parë ose të dytë”, shprehet Djordevic.
