Një makinë ka përplasur një këmbësore rreth orës 17:30 në aksin rrugor Fushë Krujë-Milot, në vendin e njohur si “Kryqëzimi i Patokut”. Viktima, e cila humbi jetën menjëherë pas përplasjes, është identifikuar si 65 vjeçarja me iniciale Xh.L. Mësohet se drejtuesi i mjetit është larguar nga vendngjarja, ndërsa policia ka ngritur postoblloqe për ta kapur.
“Sot, rreth orës 17:30, në aksin rrugor Fushë Milot – Fushë Krujë, tek vendi i quajtur ” Kryqëzimi i Patokut” , ka ndodhur një aksident ku një mjet ka përplasur shtetasen Xh.L. 65 vjeçe, banuese në Sanxhak Kurbin, këmbësore në rrugë, e cila ka ndërruar jetë. Grupi hetimor në vendngjarje nën drejtimin e Prokurorisë së Rrethit Gjyqësor Kurbin, vazhdojnë hetimet për zbardhjen e plotë të aksidentit”, sqaron policia./a.meta
