Aksident me pasojë një të vdekur është regjistruar ditën e sotme në Fushë Krujë.
Ngjarja ka ndodhur mëngjesin e sotëm tek “Mbikalimi i Fushë-Krujës” ku Pal Dedaj 43 vjeç, banues në Pukë duke drejtuar mjetin tip “Renault” me targa AA 719 IV ka aksidentuar këmbësorin K.Sh., 85 vjeç.
Menjëherë pas aksidentit i plagosuri është dërguar me urgjencë në Spitalin Ushtarak Tiranë për të marrë ndihmën e nevojshme mjekësore, por ka ndërruar jetë në ambientet e tij pasi nuk i ka rezistuar dot plagëve të marra.
Policia e cila ka shkuar në vendin e ngjarjes ka bërë të mundur arrestimin e drejtuesit të mjetit Pal Dedaj, ndërsa materialet i kaluan Prokurorisë së Krujës për veprime të mëtejshme për veprën penale “Shkelja e rregullave të qarkullimit rrugor”/noa/a.k
