Policia ka mundur të kapë në flagrancë dhe të arrestojë 22 vjeçarin Erald Nika, banues në fshatin Kameras të Fushë Krujës, pasi ky i fundit i ishte drejtuart me një armë një 18 vjeçari me qëllim për ta vrarë.
Shkak i sherrit mes dy të rinjve kishte qenë një konflikt për motive të dobëta, teksa Erald Nika ka qëlluar me armë shtetasin M.K, i cili ndodhet i shkruar në Spitalin Ushtarak të kryeqytetit.
Me të marrë njoftimin menjëherë në vendngjarje shkuan Efektivat e Policisë, të cilët bënë të mundur kqyrjen e vendit të ngjarjes, mbledhjen e provave materiale, identifikimin dhe kapjen e autorit menjëherë pas kryerjes së krimit.
Në vendin e ngjarjes u gjetën dhe u sekuestruan në cilësinë e provave materiale: • arma e krimit tip pistoletë me mulli pa numër dhe • dy gëzhoja, kalibri 7.62mm, mod.54. Autori është person me precedentë penalë të mëparshëm.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Vrasja me dashje”e mbetur në tentativë dhe “Prodhimi dhe mbajtja pa leje e armëve luftarake dhe e municionit” parashikuar në nenet 76, 22 dhe 278/2 të Kodit Penal/java/a.k
