Shpronësimi do të fillojë menjëherë pas botimit të këtij vendimi në “Fletoren zyrtare”. Ndërkohë që pronarët do të kompensohen, pasi të kenë paraqitur dokumentacionin e plotë të pronësisë pranë Bashkisë Fushë-Arrëz. Zyra Vendore e Regjistrimit të Pasurive të Paluajtshme Fushë-Arrëz, brenda 30 (tridhjetë) ditëve nga data e miratimit të këtij vendimi, në bashkëpunim me Bashkinë Fushë-Arrëz, fillon procedurat për hedhjen e gjurmës së projektit në hartën kadastrale, sipas planimetrisë së shpronësimit të miratuar, dhe të bëjnë kalimin e pronësisë për pasuritë e shpronësuara në favor të shtetit.
Ky vendim parashikon që Zyra Vendore e Regjistrimit të Pasurive të Paluajtshme Fushë-Arrëz të pezullojë të gjitha transaksionet me pasuritë e shpronësuara, deri në momentin kur do të realizohen procesi i hedhjes së gjurmës së projektit në hartën kadastrale dhe kalimi i pronësisë për pasuritë e shpronësuara.
Në mbledhjen e sotme qeveria miratoi edhe ndryshimin e statusit të tokës, nga kategoria e resursit “tokë bujqësore” në “tokë urbane” (truall), për parcelat me sipërfaqe të përgjithshme 11 972 m2, në njësinë administrative Moglicë, Bashkia Maliq, Qarku Korçë, të cilat preken nga projekti hidroenergjetik i Devollit, për ndërtimin e rrugëve përgjatë bregut jugor të rezervuarit të Moglicës.
Gjithashtu miratimin e ndryshimit të statusit të tokës, nga kategoria “tokë bujqësore” në “tokë urbane” (truall), me sipërfaqe 1 054 m², në fshatin Osojë (ish-komuna Moglicë), Bashkia Korçë, për ndërtimin e objekteve të hidrocentralit “Osojë”.
Ngarkohen Ministria e Infrastrukturës dhe Energjisë, Ministria e Bujqësisë dhe Zhvillimit Rural, Zyra e Regjistrimit të Pasurive të Paluajtshme Korçë dhe Bashkia Korçë për zbatimin e këtij vendimi.ATA
