Në qytetin e Lezhës dhe periferitë e saj gratë dhe vajzat kanë kryer ekzaminimin e mamografisë, nëpërmjet mamografisë së lëvizshme.
Çdo grua ka akses të marrë shërbimin e mamogarfisë në vendin ku jeton. Që prej 2014-ës nëpërmjet mamografisë së lëvizshme ky shërbim ofrohet në të gjitha rrethet.
ISHP ka publikuar datat dhe qytetet ku do të gjendet Mamografia e Lëvizshme gjatë këtij muaji i cili është muaji i ndërgjegjësimit kundër kancerit të gjirit.
Mamografia e lëvizshme do të ofrojë shërbimin e saj në Skrapar, Fier, Ersekë, Sarandë, Lezhë, Tropojë, Koplikë, Bulqizë dhe Burrel.
Ekzaminimet më të besueshme që përdoren për diagnostikim të hershëm të kancerit të gjirit janë mamografia dhe ekzaminimi klinik i gjirit. Mamografia është ekzaminimi i gjirit duke përdorur doza të ulëta të rrezeve X.
