Analisti i njohur, Frrok Çupi, thotë se në javën e fundit të fushatës, përfundimi dhe rezultati i 14 majit duket qartësisht në favor të Partisë Socialiste dhe të kandidatëve të saj në pjesën dërrmuese të bashkive.
“Ditët e fundit, kjo javë, sapo kemi hyrë, e ka qartësuar portretin e zgjedhjeve atë se çfarë do të ndodhë ditën e diel. Gjithçka është e qartë një javë përpara. Mund të themi se PS i ka tepruar koha për fushatën, nuk i duhet më.
Me të njëjtën fjalë mund të them për opozitës, sepse nuk i duhet koha më sepse ka arritur tek muri, sepse nuk gjeneron as pozitivitet, madje për të thënë të drejtën as negativitet”, tha ai per ABC news.
Ai tha se në këtë fushatë mazhoranca dhe opozita lëvizën në dy autostrada të ndryshme dhe nuk u takuan në asnjë pikë, ku e para fliste për projekte dhe zhvillimin e vendit, ndërsa e dyta për hallet e saj personale./m.j
