Kryetari i Bashkisë së Tiranës, Erion Veliaj ka zhvilluar një dëgjesë me banorët e Njësisë 11 për Buxhetin e vitit 2019, nga ku është shprehur se ndihet krenar për ndryshimin që Bashkia e Tiranës ka sjellë për këtë njësi.
Veliaj ka falenderuar për të gjithë kontributin e dhënë Ulsi Manjan, të cilin e ka konsideruar si një njeri model. Kryetari i Bashkisë së Tiranës ka përmendur më tej fushën në Laprak, duke thënë se ajo do të shpronësohet për të qenë një terren sportiv.
“Fusha do të shpronësohet nga Bashkia e Tiranës dhe do të kemi terrenin sportiv që e kemi pasur gjithnjë mes nesh, por që me letra dhe plan urbanistik u transformua”, është shprehur ai, duke shtuar se Partia Demokratike është një forcë politike e cila as nuk denjon të shfaqet në mbledhjet e Këshillit Bashkiak për të votuar për qytetin e tyre.
“Pse nuk vijnë për te votuar për qytetin dhe komunitetin, e sidomos për Laprakën që e kanë pasur bastion. Për çekun vijnë për 1 minutë, ndërsa për të votuar për nismat që janë në të mirë të qytetit mungojnë. Prandaj jam i bindur që Lapraka do të na japi votat fuqishëm”, ka thënë Veliaj.
ma.me
