Ngjyra e zezë njihet si ngjyra më e dashur e modës. Sipas njerëzve të modës, ajo do të qëndrojë në pasarela deri në përjetësi.Redaktorja e modës, Grace Coddington, është njëra nga “fashionistet” që gjithnjë vishet zi.
Modelet dhe aktoret, binjaket fashioniste Mary-Kate dhe Ashley Olson, gjithashtu vishen me të zezë dhe thonë se kjo ngjyrë i bën të ndihen më mirë, shkruan Koha Ditore.
Gazetarët e modës po pyesin nëse ka ndonjë arsye për të mos e veshur të zezën. Fashionistët po u përgjigjen duke e veshur të zezën në mënyrat më moderne në kombinim me fjalën e fundit të modës.
Fashionistët e blogerët kanë shkruar se veshja me të zezë nga koka tek këm-bët është mënyra më e lehtë dhe më e bukur për të ecur në hap me kohën.
Xhaketat e zeza nga lëkura, pantallonat e zeza, bluzat e zeza e këpucët e zeza nuk dalin kurrë nga moda. (b.an)
