Mbledhjes së paralajmëruar të Kuvendit Kombëtar nga ish-kryeministri Berisha lidhur me situatën e krijuar së fundmi, Basha i është përgjigjur se sa të jetë në krye të partisë ai, nuk do të ketë asnjë kuvend për të kundërshtuar vendimet e amerikanëve.
I ftuar në Spotlight nga Alban Dudushi, në Vizion Plus, akademiku Artan Fuga duke iu referuar këtij momenti, u shpreh se çdo politikë anti-SHBA dhe anti-BE është vetëvrasëse.
“Në kushtet gjeopolitike që është Shqipëria në Ballkan, në kushtet në të cilat ndodhet sot gjeopolitika botërore, në rivalitetet e mëdha, midis fuqive të mëdha dhe së treti në kushtet në të cilat ndodhet demokracia dhe shteti ligjor sot në Shqipëri, unë them që çdo politikë që ne na shmang nga politika dhe nga alenacat tona me SHBA-të dhe BE-në janë vetëvrasëse për Shqipërinë.”
/a.r
