Kryeministri Edi Rama dhe deputeti socialist Taulant Balla kanë qenë të pranishëm dje në “Allianz Arena” të Munihut, për ndeshjen Bayern-Bayer Leverkusen. Ata kanë qenë të ftuar nga kryetari i bordit të klubit bavarez, Karl-Heinz Rummenigge. Që të dy kanë postuar në Facebook foto nga takimi me ish-sulmuesin e Gjermanisë Perëndimore.
Rama është i deklaruar si tifoz i Juventusit, ndërsa Balla shkruan se është tifoz “i regjur” i Bayernit.
“Kryeministri Rama ishte i ftuar nderi i Bayern Munchen sot per te ndjekur nje ndeshtje te veshtire per bavarezet me Leverkusen. Si tifoz “i regjur” i Bayern pata edhe une nderin te jem bashke me Kryeministrin ne kete feste per bavarezet. Nje super pritje dhe bisede e kendshme me Karl Heinz Rumenige CEO i Bayern Munchen per futbollin dhe kujtimet e tij nga Shqiperia, ku Bayern dhe Gjermania kane shume tifoze”, shkruante mbrëmë Balla.
Ndërsa Rama shkruan se: “Karl Heinz Rumenige i tregon me detaje qendrimet e tij në Shqiperi, ku mikpritja për gjermanet ka qene e paharrueshme. Mban mend si nje kujtim te jashtezakonshem nje stervitje ne “Qemal Stafa”, kur stadiumi u mbush plot e perplot. Flet me entuziazem per faktin qe po ndertojme stadiume te reja dhe eshte i impresionuar nga projekti i Arenes Kombetare”.
d.i.
