Kryetari i opozitës, Lulzim Basha ka vendosur të refuzojë ftesën e Ministrit për Diasporën, Pandeli Majko për të qenë pjesë në një panel me Kryeministrin Rama. Pas publikimit të axhendës së Samitit të Diasporës që do të mbahet të premten, burime nga Partia Demokratike bënë të ditur se Lulzim Basha nuk do të jetë pjesë e këtij aktiviteti.
Edhe pse në media u interpretua si një tentativë e Pandeli Makos për të ulur tensionet dhe për të nisur një dialog mes opozitës dhe maxhorancës, demokratët tregohen të vendosur për të mos “lëshuar pe” nga qëndrimet e tyre.
Një ndër kërkesat e PD-së është ajo e largimit të Ramës dhe zgjedhja e një qeverie tranzitore e cila do të përgatisë zgjedhjet e lira dhe të ndershme. Për të arritur këtë kërkesë opozita ka marrë vendimin ekstrem, atë të djegies së mandateve.
/a.meta
