Federata Shqiptare e Futbollit (FSHF) ka bërë të ditur se Gjykata e Arbitrazhit Sportiv (CAS) pritet të japë vendimin për ndeshjen Serbi-Shqipëri me 29 maj. Por, sipas saj,mund të ketë edhe vonesa në varësi të hetimeve që po realizon kjo gjykate sportive.
Ndeshja Serbi-Shqiperi u luajt në datën 14 tetor 2014 dhe u ndal për shkak të dhunës që u ushtrua nga tifozeria e vendasve, kundrejt futbollisteve tanë.
“Ne kemi shprese për një qëndrim dinjitoz dhe korrekt ndaj Kombëtares sonë. Një qëndrim ne favor te Shqipërisë është në favor të futbollit duke i thënë STOP urrejtjes dhe racizmit, ne sportin më të dashur”, – thuhej në njoftimin e FSHF-së.
Gjyqtarët e KAS-it kanë dashur të vlerësojnë gjithçka me kujdes për të marrë një vendim të pjekur, pasi si Shqipëria dhe Serbia kanë kundërshtuar vendimit e komisioneve të UEFA-s.
Redaksia Online
(JavaNews.al)
