Federata Shqiptare e Futbollit i ka dërguar një letër zyrtare Federatës Serbe ku shprehur shqetësimin e saj të thellë në lidhje me incidentin e ndodhur më 6 prill me skuadrën shqiptare të Tërnocit.
FSHF thotë se pamjet treguan forca të policisë serbe që u futën në fushën e lojës, ku kanë ushtruar dhunë fizike ndaj futbollisteve ndërsa ndaj pjesëtarëve të tjerë të ekipit janë përdorur fyerje dhe kërcënime.
Më pas, policia ka bastisur dhomat e zhveshjes, duke kontrolluar edhe sendet personale të lojtarëve.
Federata shqiptare thotë se ky incident ngre pikëpyetje mbi kushtet në të cilat ekipet dhe lojtarët marrin pjesë në veprimtaritë futbollistike dhe se situata të tilla mund të ndikojnë edhe në frymën e lojës së ndershme dhe respektit të ndërsjellë.
