Prokuroria Speciale e Kosovës njofton se ka ngritur akt-akuzë ndaj ish-kryetarit të Komunës së Prishtinës, Shpend Ahmeti, për mosraportim dhe raportim të rremë të pasurisë.
Sipas akt-akuzës, Ahmeti, i cili shërbeu si kryetar për dy mandate, nga viti 2013 deri më 2021, kishte paraqitur deklarata të pasakta të pasurisë nga viti 2018 deri në vitin 2022.
“Vlera e përgjithshme e pasurive të padeklaruara arrin mbi 172 mijë euro”, thuhet në njoftimin e Prokurorisë Speciale, e cila bëri të ditur se rasti tashmë është dërguar për shqyrtim në Gjykatën Themelore në Prishtinë.
