Fjalimi i 19-vjeçarit Mekeid Selmani gjatë takimit në Shkodër me Sali Berishën mori vëmendjen e të gjithëve në rrjetet sociale, por edhe të vetë ish kryeministrit.
Selmani tregon nga kush i erdhi ftesa dhe thotë se kjo është dalja e parë e tij në një takim politik, pasi nuk është pjesë e strukturave të PD, por me bindje të djathta.
19-vjeçari shkodran, politiken e sheh si një mjet për të arritur qëllime të rëndësishme, ndërkohë ka ëndërr krijimin e një force politike, sulmon “klliken Rama-Brava”.
“Ftesa më erdhi si pjesë e studenturës së universitetit Luigj Gurakuqit, jam një student iu gazetarisë së vitit të parë. Ftesa e parë më erdhi nga profesori që është njëkohësisht dekan i universitetit Artan Harxhi i cili më lajmëroi se Sali Berisha do të zhvillojë një takim me bazën në pallatin e Sportit në Shkodër.
Ishte një mundësi e mirë për mua për tu aktivizuar pasi e kam shumë qejf shkencat politike, e kam shumë pasion. Ishte dalja ime e parë si pjesë e një takimi në PD, nuk jam fare pjesë e strukturave, as e forumit rinor të PD-së.
Jam një njeri me bindje të djathta konservatore, plotësisht të djathta. Prej vitesh e ndjek politikën shqiptare. Politikën unë e shikoj për të ndihmuar qytetarët që shqipëria të dalë nga kjo humnerë ku ka rënë prej disa vitesh”, tha Selmani.
Por, çfarë e frymëzon nga Sali Berisha 19-vjeçarin Selmani?
“Berisha bëri një nismë shumë të mirë për të hapur PD-në. Unë ju bashkova kësaj nisme të doktorit jo për shkak të tij por për shkak të ideve që ka pasur. Ishte një uragan i vërtetë ashtu sic e përshkron vetë ai. Berisha janë hedhur akuza që kurrë nuk janë provuar në gjykatë. Deri në momentin kur të vërtetohen akuzat unë jam me Berishën, i cili nuk është një njeri pa të meta. Berisha nuk do ta mbyllte karrierën e tij politike më mirë se kaq“, tha Selmani.
Mekeid Selmani studion në vitin e parë të degës Gazetari në Universitetin e Shkodrës./m.j
