Organizata Botërore e Shëndetësisë njoftoi se rastet e epidemisë së fruthit kanë shënuar një rritje të ndjeshme në Evropë në krahasim me vitet e kaluara. OBSH bëri të ditur se në 6 muajt e parë të këtij viti mbi 41 mijë persona në Evropë janë prekur nga sëmundja, ndërsa 37 kanë humbur jetën.
Shqetësim për OBSH përbën fakti se shumica e të prekurve janë në Ukrainë, me mbi 23 mijë raste gjatë 2017-s. Ndërkohë që në të gjithë Europën për vitin 2016 numri i të prekurve ishte 5.273.
Numri më i madh i vdekjeve ka ndodhur në Serbi me 14 persona.
Organizata Botërore e Shëndetësisë u bënë thirrje vendeve evropiane që të ndërmarrin masa, pasi ekspertët thonë se rritja e infeksioneve lidhet me rënien e numrit të njerëzve që vaksinohen.
/b.d
