Pjerin Ndreu mori sot zyrtarisht detyrën si kryetar i ri i bashkisë së Lezhës. Mbledhja konstituese dhe betimi i tij u bënë në bibliotekën e qytetit. Këtë ceremoni e kanë ndjekur nga afër edhe kryeparlamentari i Maqedonisë së Veriut Telat Xhaferi, ministri i Brendshëm Sandër Lleshaj si dhe deputetë socialist.
Në fjalën e tij të parë para këshilltarëve të këshillit bashkiak Lezhë, Pjerin Ndreu u betua se do të jetë kryetar i të gjithë lezhjaneve duke ndërtuar një institucion në shërbim të çdo qytetari.
“Përveçse është një ditë e rëndësishme është një peshë e rëndë. Njerëzit presin shumë nga ne”, tha kreu i ri i Bashkisë së Lezhës.
Para se te shkonte ne zyren e tij, kryebashkiaku i ri i Lezhës pati një përshëndetje edhe për mbështesit e tij në sallën e Pallatit të Kulturës.
Në rrugën drejt zyres nuk pati asnjë pengesë. Të gjitha dyert ishin të hapura dhe Ndreu shkoi i qetë në bashki.
Pjesëmarrës në ceremoni është ministri i Brendshëm, Sandër Lleshaj, i shoqëruar nga deputetet Lindita Nikolla dhe Ardjana Jaku. Ceremonisë i është bashkuar edhe Talat Xhaferri, kryetar i Parlamentit të Maqedonisë së Veriut.
g.kosovari
