Grupi xhihadist sirian, Jabhat al-Nusra, i njohur si al-Nusra Front, ka njoftuar sot se është ndarë nga al-Qaeda.
Lideri Abu Mohammed al-Julani, në mesazhin e tij të parë të incizuar, ka thënë se emri i ri i grupit xhihadist do të jetë Jabhat Fath al-Sham (Fronti për Pushtimin e Sirisë), raporton BBC, përcjell Express.
Mësohet se ky grup shpreson të formojë aleancë të ngushtë me grupet tjera islamike që luftojnë në Siri.
Ndërkohë, zëvendës komandantin i al-Qaedas e ka mbështetur këtë vendim në të kaluarën.
